धेरै पछि खुशी छु म तिम्रो बोली सुन्न पाउँदा
जिन्दगीको सहयात्री तिमीलाई चुन्न पाउँदा
हर्ष आँसु बगेका छन् उमङ्गको सिमै छैन
बाँच्ने आधार माया जाल सँगसँगै बुन्न पाउँदा
जिन्दगी यो झुमेको छ हर ठाउँ ठोकिँदा नि
दु:ख पीडा तिमीसँगै हात गाँसी थुन्न पाउँदा
छताछुल्ल खुशी पाउँदा मन त्यसै प्रफुल्ल छ
तिम्रो मेरो बरमाला संगसंगै उन्न पाउँदा
यथार्थ अनि काल्पनिक भावनाहरु सँगको साहित्यिक यात्रा
No comments:
Post a Comment