दुई गजल

गजल-१

दुई दिनको जिन्दगी हो हाँस्नु पर्छ सधैंभरि
डिस्को तिर छिरौँ साथी नाँच्नु पर्छ सधैंभरि

पिल्सिएर बस्नै हुन्न दुख्यो भने मन कतै
पीर ब्यथा निमोठेर माँस्नु पर्छ सधैंभरि

दु:ख जती पन्छाएर फूल सम्झी जिन्दगीलाई
सबै मिलि हाँस्दै हाँस्दै गाँस्नु पर्छ सधैंभरि

चुरोट पनि तान्नु पर्छ रक्सी पनि पिउनु पर्छ
मस्ती भरि जिन्दगी यो मात्नु पर्छ सधैंभरि

गजल-२

डिस्को जाँदै रक्सी पिउदै मात्तिएर हुन्न साथी
सफलता मिल्छ पक्कै आत्तीएर हुन्न साथी

स्वावलम्बी बनौँ हामी परिवर्तन ल्याउनु पर्छ
सधैं बाउकै पैसा बोकी ठाट्टिएर हुन्न साथी

बोझ बोकी मनैभरी खुशीको ढोङ देखाउदै
आँफै सँग आँफै सधैं ढाटिएर हुन्न साथी

खाली पाना ऐले हामी सिर्जनाले भरीनुछ
यति चाडै कलिलैमा च्यात्तिएर हुन्न साथी

अनुराग कंडेल