गजल-सुन्दरी छौ

मीठो बोली गाँजलु आँखा,परी भन्दा सुन्दरी छौ
मुटु तिमी जिबन तिमी,पवित्र यो मनभरि छौ

तिमी छौ र जिन्दगी छ,स्वर्ग जस्तै न्यानो काख
अँधेरीमा जिबन दिने,सितलु ति जूनसरि छौ

बारुलि त्यो कम्मर तिम्रो,चैन लुट्ने यौवन छ
फक्रिएकी कोमल जस्ती,मनै लुट्ने परी छौ

हेराईमा जादु छ तिम्रो,बोली मिठो अमृत झै
हरपल मिठो मुस्कान छर्छौ, मिठासमा रसबरी छौ

सपना तिमी जिबन तिमी ,तिमी बिना अधुरो म
मेरा हर चाहमा तिमी,सधैं भरी वरिपरी छौ

अनुराग कँडेल