जता छोयो उतै घोच्ने काँडो भयो जिन्दगी
कतै काम आएन यो घाँडो भयो जिन्दगी
यता कोच्यो उता कोच्यो कहीँ कतै अडिदैन्
फालुँ कि म राखुँ लौ न?ठाँडो भयो जिन्दगी
हरेक दिन उजाड छन छैन कुनै बहार
डढेलोले निमिट्यान्न डाँडो भयो जिन्दगी
सधैं दु:ख पिर ब्यथा सुख कैले झुल्किएन
मुटु काँप्ने पुस माघको जाडो भयो जिन्दगी
खास केही भएन खै न त कतै काम आयो
परान धान्न कमाइ खाने भाँडो भयो जिन्दगी
अनुराग कँडेल
No comments:
Post a Comment