गजल-मान्छे

कति सम्म वेसरम बन्न सक्छ मान्छे
आँफै रुख चढाइ जरा खन्न सक्छ मान्छे

हिजो मात्रै नाता गाँसी छाती भित्रै टाँसी
भोलि आफ्नो होइन पनि भन्न सक्छ मान्छे

सुख पर्दा बेवास्ता छ दु:ख पर्दा यहाँ
को आफ्नो को पराइ हो गन्न सक्छ मान्छे

आफ्नैलाई डुबाएर आफू शिखर चुमी
फेरी मुख देखाउन धन्न सक्छ मान्छे

भन्छु म त नदिनु है विश्वास त्यो कतै
दिनु परे फिर्ता फेरी कन्न सक्छ मान्छे

-अनुरग कँडेल