आँखा भरी हिमाल छ,मुटु भरी तराई
पहाड पनि हाम्रो नै हो,छैनन् कोहि पराई
हाम्रो नेपालमा.. हो.... हाम्रो नेपालमा...
हेर कती मिठा छन,सुरिला ती लोक भाका
हरिया ती डाडा पाखा चिनारी यो टोपी ढाका
आँखा भरी मेची छ,मुटु भरी महाकाली
छैनन् कोहि पराई,प्यारा सबै नेपाली
हाम्रो नेपालमा.. हो.... हाम्रो नेपालमा..
सगरमाथा शिर हाम्रो,तराईको फाँट मुटु
हिम नदी हाँस्दै भन्छिन्,दु:खमा संगै जुटु
आँखा भरी नैना छ,मुटु भरी फेवा ताल
छैनन् कोहि पराई,सबको प्यारो नेपाल
हाम्रो नेपालमा.. हो.... हाम्रो नेपालमा...
पहाडमा मिठो हावा हिमालमा स्याउ फल्छ
तराईमा धान झुल्दा,पहाडमा खुस्बु चल्छ
आँखा भरी हिमाल छ,मुटु भरी तराई
सबै आफ्ना आफन्त हुन्,छैनन् कोहि पराई
हाम्रो नेपालमा.. हो.... हाम्रो नेपालमा...
अनुराग कंडेल
No comments:
Post a Comment